'A CANZONE D' 'E CCANZONE


(Bovio, Valente – 1921)


 
'A canzone d' 'e ccanzone,
saglie a ll'alba da 'e ciardine…
fa arapí cchiù 'e nu balcone,
fa cantá tutt' 'e mmarine…
 
La canzone delle canzoni
sale all'alba dai giardini…
fa aprire più di un balcone,
fa cantare tutte le spiagge…
 
Va p' 'o monte e torna a mare
quanno, lenta, scenne 'a sera…
quanno Napule mme pare
na canzone 'e Primmavera…
 
Va per il monte e torna al mare
quando, lenta, scende la sera…
quando Napoli mi pare
una canzone di Primavera…
 
Tutto canta…
Tutto chiagne e tutto canta
da 'a matina, da 'a matina 'nfin'â sera…
Che paese, che paese cantatore!
Ma 'a canzone d' 'e ccanzone,
ch'hann' 'a fá? E' Napulitana!
 
Tutto canta…
Tutto piange e tutto canta
dalla mattina, dalla mattina fino alla sera…
Che paese, che paese cantatore!
Ma la canzone delle canzoni,
che devono fare? E' Napoletana!
 
A canzone d''e ccanzone
è cchiù doce 'e nu suspiro…
sta 'int' 'e vvoce d''a stagione,
sta 'int'a ll'aria ca respiro…
 
La canzone delle canzoni
è più dolce di un sospiro…
sta nelle voci dell'estate,
sta nell'aria che respiro…
 
E chi canta? E va' andivina…
Canta 'o sole, e ll'accumpagna
tutt' 'azzurro d''a marina,
tutt' 'o vverde d''a campagna.
 
E chi canta? E vai a indovinare…
Canta il sole, e l'accompagna
tutto l'azzurro della marina,
tutto il verde della campagna.
 
Tutto canta…
………………….
 
Tutto canta…
………………….
 
'A canzone d' 'e ccanzone
sta 'int'a ll'uocchie 'e nénna mia
ca mme guarda e, senza suone,
mette 'a mùseca e 'armunía…
 
La canzone delle canzoni
sta negli occhi della bimba mia
che mi guarda e, senza suoni,
mette la musica e l'armonia…
 
E cu ll'uocchie canta e dice:
"Niente tengo" e niente tène
"tengo sulo, e só' felice,
ninno mio ca mme vò' bene!"
 
E con gli occhi canta e dice:
"Niente tengo" e niente tiene
"ho solo, e sono felice,
il mio bambino che mi vuole bene!"
 
Tutto canta…
………………….
Tutto canta…
………………….

Lascia un Commento

L'indirizzo email non verrà pubblicato. I campi obbligatori sono contrassegnati *

Aiuto

2003-2016 © Napoligrafia