ADDO' VAJE? CHI SAPE NIENTE…


(Nicolardi, Gagliardi)


 
Addó' vaje? Chi sape niente…
Chesti bbrutte ventecate,
tutt' 'e ffronne gialliate,
fanno, 'a ll'árbere, cadé.
 
Dove vai? Chi sa niente…
queste brutte ventate,
tutte le foglie ingiallite
fanno, dagli alberi, cadere.
 
Addó' vaje? Chi sape niente…
Faje tu pure 'o muleniello,
fronna, fronna 'e stu lauriello,
dint'a ll'uorto, 'e faccia a me.
 
Dove vai? Chi sa niente…
Fai anche tu il mulinello,
foglia, foglia di questo piccolo lauro,
nell'orto, di fronte a me.
 
E tu saglie, saglie e vuole
e faje ciento capriole.
Nun appena sbatte 'nterra,
n'ata réfola t'afferra.
 
E tu sali, sali e voli
e fai cento capriole.
Non appena sbatti per terra,
un'altra folata ti afferra.
 
Addó' vaje? Chi sape niente…
Chi 'o ppò ddí, chi mme risponne?
Addó' vanno tanta fronne,
vaje tu pure. E' overo o no?
 
Dove vai? Chi sa niente…
Chi può dirlo, chi mi risponde?
Dove vanno tante foglie,
vai anche tu. E' vero o no?
 
Addó' vaje? Chi sape niente…
Se cuntrastano duje viente
e te mméscano cu ciento
e s' 'a pigliano cu te.
 
Dove vai? Chi sa niente…
si scontrano due venti
e ti mischiano con cento
e se la prendono con te.
 
E tu vaje, saglie e vuole
e faje ciento capriole.
Nun appena sbatte 'nterra,
n'ata réfola t'afferra.
 
E tu vai, sali e voli
e fai cento capriole.
Non appena sbatti per terra,
un'altra folata ti afferra.
 
Addó' vaje? Chi sape niente…
Addó' vanno tanta suonne,
gialliate comm' 'e ffronne,
ch'hê sunnato comm'a me?
 
Dove vai? Chi sa niente…
Dove vanno tanti sogni,
ingialliti come le foglie,
che hai sognato come me?
 
Addó' vaje? Chi sape niente…
Addó' vanno tanta cose,
cchiù gentile o cchiù preziose?
Vanno e addio. Chi sape addó'?
 
Dove vai? Chi sa niente…
Dove vanno tante cose,
più gentili e più preziose?
Vanno e addio. Chi sa dove?
 
E tu vaje, saglie e vuole
e faje ciento capriole.
Nun appena sbatte 'nterra,
n'ata réfola t'afferra.
E tu vai, sali e voli
e fai cento capriole.
Non appena sbatti per terra,
un'altra folata ti afferra.

Lascia un Commento

L'indirizzo email non verrà pubblicato. I campi obbligatori sono contrassegnati *

Aiuto

2003-2016 © Napoligrafia