SOTT' 'E CCANCELLE


(Tetamo, Nicolò – 1920)


 
"Oje figlie 'e mamma,
ca nu destino niro ha cundannate,
dint' 'e ccancelle site tutte frate".
 
"Oh figlio di mamma,
che un destino nero ha condannato,
in prigione siete tutti fratelli".
 
"Sì, mme ne vaco, v'ubbidisco, 'o ssaccio,
sott' 'e ccancelle nun se pò cantà,
ma v'assicuro, niente 'e male faccio,
ll'urdema vota 'o voglio salutà.

Nu preputente 'e me abusà vuleva.
Isso ll'acciso ca mm'apparteneva".
 
"Se me ne vado, vi obbedisco, lo so,
sotto le prigioni non si può cantare,
ma vi assicuro, niente di male faccio,
l'ultima volta lo voglio salutare.

Un prepotente voleva abusare di me.
Lui l'ha ucciso perchè mi apparteneva.
 
"Oje secundino
ca staje passanno 'a visita, dincello
ca stó' ccà sotto a stu carceratiello".
 
"Oh secondino
che passi per la visita, diglielo
che sono qua sotto a questo carcerato".
 
"Da 'a casa soja 'a mamma mm'ha cacciato,
cchiù nun mme vo' 'a famiglia mia vedé.
E sola i' mo, cu 'a croce 'e nu peccato,
chisà a qua' parte putarrìa cadé.

Ma nun mme coglie, no, 'sta mala sciorte.
Pecché, pecché io corro 'mbracci'â morte".
 
"Dalla sua casa la mamma mi ha cacciato,
non mi la mia famiglia non mi vuole più vedere.
E da sola io ora, con la croce di un peccato,
chissà da quale parte potrei cadere.

Ma non mi prende, no, questa malasorte.
Perchè, perchè io corro in braccio alla morte".
 
"Che notte fredda.
Carceratiello, e tu dint'a stu lietto
nun truvarraje calore né arricietto".
 
"Che notte fredda.
Carceratello, e tu in questo letto
non troverai calore né riposo".
 
Addio, addio. E' ll'urdemo saluto
ca Dio, pe' grazia, t'ha da fà arrivà.
Cunfòrtate a saperme 'int' 'o tavuto
ca viva dint' 'o fango a 'nfracetà.

E prejo a vuje ca nu sullievo 'o date,
cumpagne d' 'a sfurtuna, oje carcerate.
 
Addio, addio. E' l'ultimo saluto
che Dio, per grazie, ti deve far arrivare.
Confortati sapendomi in una bara
che viva a marcire nel fango.

E prego voi che un sollievo date,
compagni di sfortuna, oh carcerati.
 
"Tu mme vuó' bene.
E pe' stu bbene io voglio campà ancora.
Giustizia i' cerco e ha da venì chell'ora".
"Tu mi vuoi bene.
E per questo bene io voglio vivere ancora.
Io cerco giustizia e dovrà venire quel momento".

Lascia un Commento

L'indirizzo email non verrà pubblicato. I campi obbligatori sono contrassegnati *

Aiuto

2003-2016 © Napoligrafia