‘NZUONNO

Vincenzo D’Annibale P. Esposito 1912

Durmenno accant’ô mare a suonno doce, vedette ‘e cammenà ‘nfra ll’onne a Rosa. Sentette zitto zitto chesta voce: “Duorme penzanno a mme, duorme e reposa!”	Dormendo dolcemente accanto al mare, vidi camminare tra le onde Rosa. Sentii bisbigliare questa voce: “Dormi pensando a me, dormi e riposa!”
Me stev’a dì: “Penz’a durmì! T’aggi’ ‘a aspettà pe te vasà”. Mme scetaje e nenna mia, nenna mia nun c’era cchiù.	Me stava dicendo: “Pensa a dormire! Ti devo aspettare per baciarti”. Mi svegliai e l’amore mio, l’amore mio non c’era più.
‘Na mana me sentette ‘ncopp’ô core, ‘nu vaso m’azzeccaje ‘mponta ô musso. ‘Na voce me dicette: “I’ pe tte moro!” Io stevo ‘nzuonno, e mme facette russo.	Una mano sentii sul cuore, un bacio mi diede sulle labbra. Una voce mi disse: “Io per te muoio!” Io stavo sognando, e diventai rosso.
Me stev’a dì: ………………	Mi stava dicendo: ………………
Vedite comm’è ‘nfama ‘a passiona ca pure ‘nzuonno dà li ppene amare. Scetannome sparette ‘sta guagliona, e mme truvaje cu tutt’ ‘e panne a mmare.	Vedete com’è infame la passione che anche in sogno dà pene amare. Svegliandomi sparì questa ragazza, e mi ritrovai completamente vestito in mare.
Me stev’a dì: ………………	Mi stava dicendo: ………………