TU STAJE LUNTANA

Vincenzo D’Annibale 1942

Tu staje luntana e chiagne, io sto’ luntano e aspetto ca ‘sta tempesta ‘e fuoco fernesse attuorno a mme! Nascette chist’ammore dint’a ‘na notte ‘e luna, e ‘na jurnata ‘e sole ardette commacchè!	Tu sei lontana e piangi, io sono lontano e aspetto che questa tempesta di fuoco finisca attorno a me! Nacque questo amore in una notte di luna, e in una giornata di sole arse come non so che!
Ammore, ammore, ammore! Che sorta ‘ngrata, ahimmé! Tu staje tanto luntana, e i’ sto’ luntano ‘a te!	Amore, amore, amore! Che destino ingrato, ahimmé! Tu sei tanto lontana, e io sto lontano da te!
E nun ce sta ‘na strada pe correre addù te, nemmeno cchiù ‘na lettera te dà nutizie ‘e me. Ma dint’â notte ‘e luna me pare ‘e te vedè, saccio ca tu lle parle, comm’io lle parlo ‘e te.	E non c’è una strada per correre da te, nemmeno più una lettera ti dà notizie di me. Ma nella notte di luna mi pare di vederti, so che tu le parli, come io le parlo di te.
Ammore, ammore, ammore! …………………………	Amore, amore, amore! …………………………