SENTINELLA
|
|
| Nuttata ‘e Piererotta. Tutte dormono ‘ncopp’a ‘sta cimma ‘e monte cunquistato, e io faccio ‘a sentinella e sto’ scetato. ‘Nu passo, ‘nu rummore. Chi va là? |
Nottata di Pedigrotta. Tutti dormono su questa cima di monte conquistato, e io faccio la sentinella e sono sveglio. Un passo, un rumore. Chi va là? |
| E vuje paisane mieje ca state a Napule, chesta nuttata, vuje, comm’ ‘a passate? Nce jate a Piererotta o nun ce jate? Ce sta chi, ‘na canzone, cantarrà? |
E voi paesani miei che siete a Napoli, questa nottata, voi, come la passate? Ci andate a Piedigrotta e non ci andate? C’è chi, una canzone, canterà? |
| Vurrìa ca ‘nu signale facísseve ‘a Pusilleco pe me puté ‘nfurmà. E ‘n’auto, tale e quale, pe dirve: “Ve ringrazio” io ne facesse ‘a cca. |
Vorrei che un segnale facciate da Posillipo per potermi informare. E una altro, tale e quale, per dirvi: “Vi ringrazio” io farei da qua. |
| Nuttata ‘e Piererotta. Che silenzio. Pure ‘e cannune mo se so’ addurmute. ‘Na voce arriva a ‘sti mmuntagne mute, vène da ‘o mare mio pe mme chiammà. |
Nottata di Piedigrotta. Che silenzio. Anche i cannoni ora si sono addormentati. Una voce arriva a queste montagne mute, viene dal mio mare per chiamarmi. |
| E a vuje, Napulità che state a Napule, ve chiamma o no, stanotte, chistu mare? Ne tene sempe varche ‘e marenare? ‘Na varchijata v’ ‘a putite fà? |
E a voi, Napoletani che siete a Napoli, vi chiama o no, stanotte, questo mare? Ce ne ha sempre barche di marinai? Una navigata ve la potreste fare? |
| Mánnateme ‘a risposta cu ‘nu signale, sùbbeto facitela vulà. Si mme screvite, ‘a posta ritarda e po’ succedere ca nun mme truvarrà. |
Mandatemi la risposta con un segnale, subito fatela volare. Se mi scrivete, la posta ritarda e può succedere che non mi trovi. |
| E tu Carmè, Carmè, ca siente sbattere ‘o core, ‘mpiett’a me, pure ‘a luntano, comm’io mm’ ‘o sto’ sentenno sott’â mano, che faje stanotte? Chiagne? Ma pecché? |
E tu Carmela, Carmela, che senti sbattere il cuore, nel mio petto, anche da lontano, come io lo sto sentendo sotto la mano, che fai stanotte? Piangi? Ma perchè? |
| Si tanto doce ancora è ‘o cielo ‘e Napule, si ancora tene ‘e stelle che teneva, si dice ancora ‘e ccose che diceva, guardanno ‘ncielo, parlarraje cu mme. |
Se tanto dolce è ancora il cielo di Napoli, se ancora ha le stelle che aveva, se dice ancora le cose che diceva, guardando in cielo, parlerai con me. |
| Cca ‘o cielo è tutto stelle che chiágnono. Ma ‘e llagreme nun vònno fà vedé. Io guardo ‘e ddoje cchiù belle, una assumiglia a màmmema, ll’àuta assumiglia a te. |
Qua il cielo è tutto stelle che piangono. Ma le lacrime non vogliono far vedere. Io guardo le due più belle, una assomiglia a mia mamma, l’altra assomiglia a te. |
Ernesto De Curtis 
Roberto Bracco 
1917Tra le interpretazioni di questa canzone, ricordiamo quelle di Gennaro Pasquariello, Mario Pasqualillo, Giuseppe Godono, Alfredo Del Pelo e Beniamino Gigli.
| << Semplicità | Senza ‘a varca >> |