PUPAZZETTI


musicaGiuseppe Cioffi testoGigi Pisano data1937


 
Io mm'arricordo ca te canuscette
ch'ire proprio piccerella,
'na criatura comm'a me.

Jévamo â scola 'nzieme e te dicette:
"Stammo 'e casa â stessa strada,
mme retiro 'nziem'a te?"

Nun mme diciste: "Sí",
ma nun diciste: "No"
e io t'accumpagnaje.
 
Io mi ricordo di averti conosciuta
che eri proprio piccolina,
una bambina come me.

Andavamo a scuola insieme e ti dissi:
"Abitiamo nella stessa strada,
torno a casa insieme a te?"

Non mi dicesti: "Sì",
ma non dicesti: "No"
e io ti accompagnai.
 
Tu, senza genitore comm'a me,
io, senza mamma e pate comm'a te.
Riturnàvamo da 'a scola,
sott'ô vraccio, sule sule,
comm'a chilli pupazzette d' 'e giurnale,
ma felice comm'a che.
Ma felice comm'a che.
 
Tu, senza genitori come me,
io, senza mamma e papà come te.
Ritornavamo da scuola,
sotto braccio, soli soli,
come a quei pupazzetti dei giornali,
ma felici come non so che.
Ma felici come non so che.
 
'Na zia tenive ca te maltrattava,
'na zia 'nfame e senza core.
Tu chiagnive comm'a che.

'Nu zio tenevo io pure e mme trattava
comm'a chi tratta a 'nu cane.
E io chiagnevo comm'a te.

Ma tutto va a fernì.
'O tiempo vola e va.
Passajeno 'e mise e ll'anne.
 
Avevi una zia che ti maltrattava,
una zia infame e senza cuore.
Tu piangevi come non so che.

Anche io avevo uno zio e mi trattava
come chi tratta un cane.
E io piangevo come te.

Ma tutto finisce.
Il tempo vola e va.
Passarono i mesi e gli anni.
 
Po, quanno diciott'anne tenev'i',
tu ne tenive quinnece, Marì.
E 'na sera 'e Primmavera
'mmiez'ê rrose e 'mmiez'ê sciure,
nun parlaje 'sta vocca mia, parlaje 'stu core.
Tu cadiste 'mbraccio a me.
Io cadette 'mbraccio a te.
 
Poi, quando io avevo diciotto anni,
tu ne avevi quindici, Maria.
E una sera di Primavera
tra le rose e tra i fiori,
non parlò questa mia bocca, parlò questo cuore.
Tu cadesti in braccio a me.
Io caddi in braccio a te.
 
Ma 'ncopp'â terra tutt'è destinato,
tu truvaste 'e genitore,
te venettero a piglià.

E io rummanette triste e abbandunato,
mme guardavo 'nu vapore
ca vedevo 'e alluntanà.

E mme lassaste tu,
nun t'aggio vista cchiù.
T'accumpagnaje 'stu core.
 
Ma sulla terra tutto è destinato,
tu trovasti i genitori,
ti vennero a prendere.

E io rimasi triste e abbandonato,
mi guardavo una nave
che vedevo allontanarsi.

E mi lasciasti tu,
non ti ho vista più.
T'accompagnò questo cuore.
 
Mo tiene 'e genitore, vijata a te.
Sî ricca assaje e t'hê scurdata 'e me.
Ma 'o ricordo 'e chella scola,
mo è rimasto sulo sulo.
Uno 'e chilli pupazzette d' 'e giurnale,
torna â casa senza 'e te.
Comme campo senza 'e te?
Ora hai i genitori, beata te.
Sei molto ricca e ti sei dimenticata di me.
Ma il ricordo di quella scuola,
ora è rimasto solo solo.
Uno di quei pupazzetti dei giornali,
torna a casa senza di te.
Come vivo senza di te?

Tra le interpretazioni di questa canzone, ricordiamo quelle di Mario Pasqualillo, Ria Rosa, Giulietta Sacco, Enzo Romagnoli, Angela Luce e Mario Trevi.

Lascia un Commento

L'indirizzo email non verrà pubblicato. I campi obbligatori sono contrassegnati *

Aiuto

2003-2021 © Napoligrafia